Кэбээйи нэһилиэгин «Мичээр» оҕону сайыннарар киинин иитээччилэрэ Татьяна Максимова уонна Ирина Терехова «Дети-волонтеры» бырайыактарынан үлэлээбиттэрэ иккис сыллара. Бүгүн Волонтер күнүгэр оҕолор анал дьайыыга сылдьар байыастарга анаан «Үтүө түгэн» түмсүү волонтердарын кытта армейскай сухой душ оҥордулар.
Бу үлэлэрин кырачаан волонтердар улууска үөрэхтээһин тэриллибитэ 100 сыллаах үбүлүөйүнэй бэлиэ сылыгар туһаайан 100 устууканы оҥордулар.
Оҕолор тутан-хабан оҥорбут туһалаах үлэлэрин дойдуну көмүскүү сылдьар байыастарга хайаатар да тиийэн кыра да буоллар болҕомтону хатыа, туһаны аҕалыа диэн саныыллар.
Татьяна Максимова-Лазарева