Саха төрүт оонньуута сэтинньи 14-15 күннэригэр Дьокуускай куорат томтойор саалатыгар Триумфка «Өбүгэ оонньуута » 2002-2005 сыллардаах төрүөх уолаттары, кыргыттары бука барыларын муста.
Кыргыттарга 5 көрүҥүнэн күрэхтэһии барда. Ол курдук, үс төгүл үс, тутум эргиир, мас -рестлинг, оҕунан ытыы, 400 м сүүрүү. Тыҥааһыннаах күрэх кэнниттэн 9 очколаах Кэбээйи Мастаах бөһүөлэгиттэн Марианна Кейментинова 1 миэстэҕэ таҕыста.
Уолаттарга 7 көрүҥҥэ күөн көрүстүлэр. Ол курдук, үс төгүл үс, тутум эргиир, мас -рестлинг, оҕунан ытыы, сүүрүү, хапсаҕай, таас көтөҕүү. Бу күрэххэ биһиги уолбут Артём Дьяконов 29 очколаах 3 бириистээх миэстэҕэ тигистэ.
Бу оҕолор иккиэн Мастаах орто оскуолатын выпускниктара буолаллар. Тренер Николай Николаевич Иванов иитиллээччилэрэ. Биһиги биир дойдулаахтарбыт ситиһиилэриттэн үөрэбит, астынабыт, киэн туттабыт. Оҕолорбутугар чэгиэн доруобуйаны, спортка ситиһиилэри баҕарабыт.
Өбүгэ оонньуутун көрүҥэр
Көрдөөх кыаххын эн бүгүн
Сахам күүстээх бөҕөһө,
Сарсыҥҥыбыт эрэлэ
Самнан, охтон биэримэ
Сымса тулуур күрэҕэр.
Спортка сүгүрүйүҥ,
Спордунан дьарыктаныҥ,
Эти-хааны сайыннарыҥ.
Саха төрүт ооньуута
Өссө да сайда турдун!
Сардана Жакипова, Мастаах бөһүөлэгэ.